प्रशासनाने लवकरात लवकर यातून मार्ग काढून स्ट्रीट लाईट सुरू करावे

अमळनेर (प्रतिनिधी)शहरातील नवीन शिवशक्ती कॉलनी तांबेपुरा येथे ऐन नवरात्रीत ५ दिवसापासून रस्त्यावर अंधार पसरला आहे. त्यामुळे नागरिकांना मोठ्या अडचणींना सामोरे जावे लागत आहे. प्रशासनाने लवकरात लवकर यातून मार्ग काढून स्ट्रीट लाईट सुरू करावे अशी मागणी स्थानिक रहिवाशी करत आहेत.
शिवशक्ती कॉलनी तांबेपुरा येथे नवीनच बांधकाम झालेल्या कॉलनीमध्ये गेल्या ५ दिवसापासून स्ट्रीट लाईट अचानक महावितरणने बंद केले. खोलात विचारले असता बिल्डर ने आवश्यक ती कागदपत्रे नगरपालिकेला दिलेली नसल्यामुळे लाईट बंद करण्यात आली असे उत्तरं मिळाले परंतु बिल्डरशी संपर्क साधला असता सर्व कागदपत्रे जमा केली असल्याचा दावा त्यांनी केला. मग चुकलं कोण.. बिल्डर, महावितरण , नगरपालिका की इथे राहणारे १४५ परिवार.? नगरपालिकेत अर्ज केला असता त्यांनी अजुन १५ दिवस लागतील असे उत्तर दिले. इथे आजूबाजूला शेती असल्याने गेल्या ५ दिवसात दोन वेळा साप निघाले. मग प्रशासन कोणाच्या मरणाची वाट बघतेय का? इथे लहान मुल वयस्कर मंडळी रात्रीचे बाहेर निघणं बंद झाल आहे. बरीचशी मंडळी नवीन राहायला आलेली असल्याने त्यांचा निम्मा संसार बाहेर पडलेला असतो वाहने लावलेली असतात. अंधाराचा फायदा घेवून चोरी होऊ शकते काहीतरी विपरीत घडू शकते.

प्रशासन काही विपरीत घडण्याची वाट पाहतंय का? : नागरिकांचा संताप

मग प्रशासन काही विपरीत घडण्याची वाट पाहतंय का? परत १५ दिवस वेठीस धरण्याचा काय अधिकार आहे. प्रशासनाने लवकरात लवकर यातून मार्ग काढून स्ट्रीट लाईट सुरू करावे अशी मागणी स्थानिक रहिवाशी करत आहेत.