अमळनेर (खबरीलाल) महिलांनी आयोजित केलेल्या आनंद मेळाव्यातील विविध सांस्कृतिक स्पर्धा आणि खाद्यपदार्थावर ताव मारत सरत्या वर्षाला निरोप देत नववर्षाचे जल्लोषात स्वागत करण्यात आले.
या वेळी लहान मोठ्यांसह महिलांच्या लक्षणीय उपस्थितीने मेळाव्याला यात्रेचे स्वरूप आले होते.
स्थानिक महिला कार्यकर्त्या निताताई प्रजापती, हेमलता पाटील, सुहासिनी राणे, रत्ना पाटील आदिंनी आंनद मेळाव्याचे आयोजन केले होते. सरत्या वर्षाला निरोप देतांना नविन वर्षाचे स्वागत उत्साहात व जल्लोषात करण्यासाठी आनंद मेळाव्यात विविध उपक्रमाचे नियोजन करण्यात आलेले होते. खवैय्यांसाठी खास खापरावरची पुरणपोळी, भिजवलेल्या मूग डाळीची भजी, तर चटपटीत चाट पदार्थांचे स्टॉल लज्जत वाढविणारे ठरले. तर बालगोपालांसाठी विविध खेळ व मनोरंजन कार्यक्रम आकर्षण ठरले.
यावेळी कार्यक्रमाचे सूत्रसंचालन अपेक्षा पवार, शितल सावंत यांनी केले. आनंद मेळाव्याच्या यशस्वीतेसाठी योगिता पांडे, निलिमा सोनकुसरे, अॅड. मीनाक्षी राठोड, उषा कासार, करुणा सोनार आदिंनी सक्रिय उपस्थिती देत परिश्रम घेतले. आनंदमेळव्यास सुभाष सुर्यवंशी, नगरसेवक राजेश पाटील, सामाजिक कार्यकर्ते रणजित शिंदे, प्रविण सातपुते यांचे सहकार्य लाभले.

नृत्यस्पर्धेत मुलामुलींनी उत्स्फूर्तपणे नोंदविला  सहभाग ,  शैलजित रणजित शिंदे आली प्रथम

याप्रसंगी आयोजित नृत्यस्पर्धेत मोठ्यासंख्येने मुलामुलींनी उत्स्फूर्तपणे सहभाग नोंदविला.
मेळाव्यात लावलेल्या खाद्यपदार्थ स्टॉलचालक महिला युवतींना शिव प्रतिष्ठाणचे अध्यक्ष रणजित शिंदे यांच्यामार्फत उत्कृष्ट स्टॉलधारक व सहभागी स्टॉल धारकांना भेटवस्तू देऊन प्रोत्साहित करण्यात आले.  नशीबवान प्रवेशिकेचा (लकी ड्रॉ) भाग्यवान विजेता हर्ष लीलाधर प्रजापती ठरला. याप्रसंगी  आमदार स्मिताताई वाघ, नगराध्यक्षा पुष्पलताताई पाटील आदिंनी आंनद मेळाव्यास उपस्थिती देत संयोजकांचा व मेळाव्यात सहभागी स्टॉलधारकांचा उत्साह वाढवला. नृत्यस्पर्धेत प्रथम पारितोषिक शैलजित रणजित शिंदे, द्वितीय श्रद्धा गणेश परदेशी, तृतीय भुवनेश्वरी जगदीश भदाणे यांनी बक्षिसे मिळवली.