अमळनेर (खबरीलाल) महिलेला अश्लील शिवीगाळ करून तिच्यावर हल्ला करण्याची धमकी देऊन विनयभंग केल्याची घटना ३० रोजी गुंजाळ झेरॉक्स जवळ सकाळी साडे अकरा वाजता घडली. तर त्या व्यक्तिनेदेखील महिलेविरुद्ध तक्रार दिली आहे.
याबाबत अधिक माहिती अशी की, महिलेने फिर्याद दिली की, युवकाने पंचायत समिती आवारात अश्लील शिवीगाळ करून कोणत्याही क्षणी हल्ला करू शकतो, अशी धमकी दिली. याबाबत जाब विचारला असता गुंजाळ झेरॉक्सजवळ त्याने हात धरून शिवीगाळ केली व विनयभंग केला. महिलेच्या फिर्यादीवरून युवकाविरुद्ध गुन्हा दाखल करण्यात आला असून तपास बापू साळुंखे करीत आहेत.
तर युवकाने फिर्याद दिली की महिलेने ३० रोजी सकाळी साडे अकरा वाजता काही कारण नसताना शिवीगाळ करून चापट बुक्क्यांनी मारहाण करून छातीत नखे ओढून खिशातून २ हजार रुपये काढून घेतले व बर्फ फोडण्याचा कोचाने मारण्याचा प्रयत्न आणि खोटी केस करण्याची धमकी दिली. अमळनेर पोलीस स्टेशनला महिलेविरुद्ध गुन्हा दाखल करण्यात आला असून तपास पोलीस उपनिरीक्षक गणेश सूर्यवंशी करीत आहेत.