अमळनेर (खबरीलाल) कलागुरु मंगल कार्यालयमागील श्रीरामनगरमधून तीन दिवसांपूर्वी  बेपत्ता झालेल्या विवाहितेचा मृतदेह २९ रोजी सायंकाळी ५ वाजता विहिरीत तरंगताना आढळून आल्याने खळबळ उडाली आहे. पोलिसात अकस्मात मृत्यूची नोंद करण्यात आली असून आत्महत्या किंवा घातपाताचा संशय व्यक्त केला जात आहे.

      सपना महेंद्र सोनवणे ( वय २५) ही  वावडे येथील महेर असलेली महिलेचे सासर मारवड येथील असून ती अमळनेर येथे राहत होती. २७ डिसेंबरपासून कलागुरु मंगल कार्यालयमागील श्रीरामनगरमधून काही न सांगता निघून गेली होती. तिच्या पतीच्या खबरीवरून अमळनेर पोलीस स्टेशनला हरवल्याची नोंद करण्यात आली होती. २९ रोजी सायंकाळी ५ वाजता तेथील एका विहिरीत तिचा मृतदेह तिच्या नातेवाईकांना  तरंगताना आढळून आला. पाण्यात बुडवून तिचा मृत्यू झाला आहे. पोलिसात अकस्मात मृत्यूची नोंद करण्यात आली असून तपास एपीआय गणेश सूर्यवंशी करीत आहेत.