अमळनेर (खबरीलाल) हभप उमेशजी महाराज दहिवद खुर्द यांनी भाजपाचे माजी जिल्हाध्यक्ष उदय वाघ यांच्या आठवणींना आपल्या कीर्तनातून उजाळा दिला. तसेच त्यांच्या कार्यावर प्रकाश टाकला.

तालुक्यातील कळमसरे येथे भाजपाचे माजी जिल्हाध्यक्ष उदय वाघ यांच्या स्मरणार्थ जाहीर कीर्तनाचे आयोजन दि 28 रोजी रात्री करण्यात आले होते. याचा कळमसरे सह परिसरातील गावांच्या महिला व पुरुषांनी लाभ घेतला. सुरवातीला स्व. उदय वाघ यांच्या प्रतिमेचे पूजन होऊन कीर्तनाला सुरुवात झाली. उमेश महाराजांनी यावेळी उदय यांच्या कार्यांची आठवण देखील कीर्तनातून करून दिली. एवढेच नव्हे तर विविध सामाजिक धार्मिक विषयात हात घालत समाज प्रबोधन केले.या कीर्तनाने श्रोते मंत्रमुग्ध झाले होते.कीर्तन प्रसंगी आमदार स्मिता वाघ, मार्केटचे सभापती प्रफुल पवार, भाजपाचे तालुका सरचिटणीस हिरालाल पाटील, शहर सरचिटणीस उमेश वाल्हे आदींसह असंख्य भाजपच्या पदाधिकाऱ्यांनी देखील भेट दिली.
कळमसरे येथील शिवाजी राजपूत व मित्र परिवाराने हा कीर्तनाचा कार्यक्रम आयोजित केला होता,यासाठी समस्त ग्रामस्थांचे अनमोल सहकार्य लाभले.