अमळनेर (प्रतिनिधी) तालुक्यातून वावडे येथून सहा गायी चोरून नेल्याचा प्रकार २८ रोजी सकाळी उघडकीस आला आहे. याप्रकरणी चोरटय़ांविरुद्ध गुन्हा दाखल करण्यात आला आहे.
याबाबत पोलिसांनी दिलेली माहिती अशी की, अमळनेर तालुक्यातील वावडे येथील विनोद जगन्नाथ पाटील यांची पांढऱ्या रंगाचे जरशी ४० हजारांची गाय व इतर ग्रामस्थांची २ गायी तसेच तीन वासरू अज्ञात चोरट्यानी २८ रोजी पहाटे चोरून नेल्या. मारवाड पोलिसात चोरीचा गुन्हा दाखल करण्यात आला असून तपास विशाल चव्हाण करीत आहेत.
