अमळनेर (प्रतिनिधी)भाजपाचे माजी जिल्हाध्यक्ष उदय वाघ यांचे आज गुरुवारी सकाळी ह्रदय विकाराच्या तीव्र झटक्याने निधन झाले. यामुळे वाघ कुटुंबीय आणि भाजपाच्या कार्यकर्ते शोकसागरात बुडाले आहेत.
भाजपाचे माजी जिल्हाध्यक्ष उदय वाघ हे सकाळी आंघोळीला गेले असता त्यांना अचानक ह्रदय विकाराच्या तीव्र झटका आला. कुटुंबियांनी त्यांना तातडीने डॉ. बहुगुणे यांच्या रुग्णालयात दाखल केले. मात्र ह्रदय विकाराच्या झटका तीव्र असल्याने त्यांची प्राणज्योत मालवली. कुटुंबिय, नातेवाईक आणि भाजपासह सर्व पक्षाचे कार्यकर्ते, पदाधिकारी यांनी रुग्णालयात व त्यांच्या घरी गर्दी केली होती. त्यांच्या मागे आमदार स्मिता वाघ,दोन मुली, जावाई,असा परिवार आहे.
